Архіў_Асоба
![Янка Жамойцін](/_next/image?url=https%3A%2F%2Fapi.mohilki.org%2Fusers%2F1%2Fperson%2F9226e5dd-f1b2-4da6-9be2-22c74f511d6e-photos-1152x1440.webp&w=1920&q=75)
Янка Жамойцін - беларускі грамадзкі дзеяч, літаратар і вэтэран нацыянальнага руху.
У часе вайны кіраваў Наваградзкай акруговай арганізацыяй СБМ. Пасьля вайны арыштаваны, асуджаны на 25 гадоў, знаходзіўся да 1956 году ў лягерах. Пасьля зьехаў у Польшчу. Заўсёды казаў, што ён беларус, але жыхар Польшчы.
Пасьля вызваленьня прыехаў у Гародню, дзе пасьля доўгіх перапісак здолеў выехаць у Варшаву. Там атрымаў вышэйшую адукацыю, прымаў актыўны ўдзел у працы беларускай дыяспары.
Пісаў на беларускай і польскай мовах. Дэбютаваў як літаратурны крытык на старонках газэты «Ніва» ў 1965 годзе. Яго пяру належаць шматлікія публікацыі пра паэзію беларускамоўных аўтараў Польшчы, артыкул-дасьледаваньне «Шляхам „Іліяды“ Гамэра» - пра зроблены Б. Тарашкевічам пераклад гэтага твору на беларускую мову, шмат рэпартажаў, эсэ, крытычных артыкулаў.